2018狗年流年風水
人緣位在南方及西北

【首頁】

  
我仲記得,初學風水既時候,坊間最流行、講究既,係財運、文昌、桃花等,比較少人會講「人緣位」。

到近幾年,好多人都講人緣位。就連我工作上遇到既客戶,大家傾做生意之外,只要知道我識得風水、八字、玄學既客人,都會問我運程如何,亦會叫我教催財、催人緣。

我地從前學風水,所講既風水玄學名詞,今時今日都有其它同義詞,例如「貴人位」改叫「人緣位」﹔我地從前講生肖「犯太歲」,而家就好 多人講「犯本命年」。

有關從前講既「貴人位」,而家流行叫「人緣位」,大師姐白如雪話:「而家流行人緣位既主要原因,係而家香港人相處氣氛唔係幾好。以前 經濟好,買樓好易,以前係用一成首期就可以買樓,所以只要儲蓄一段時間,就有可能買到樓。就算買唔到樓,租樓既租金都唔會好貴 。所以人民生活會輕鬆得多,尤其七零、八零、九零年代時期。

在樓價貴得緊要,買樓又難,租樓又貴,做生意租金貴就成本高,風險又高,所以壓力大,人同人之間既相處,亦疏離得多。」

我贊成大師姐既講法,怨氣愈積愈多,人同人相處,自然猜疑妒忌,爾虞我詐。呢個情形,除社會變化既影響,其實亦同香港風水有關,呢方面,留番 日後再講。

接近年尾,客人多數會問我有關流年風水問題。今日無獨有偶,有一位客人問到有關2018狗年「人緣位」既問題外,連我既朋友,都有問到有 關問題。所以,今篇就講下2018狗年風水流年
既人緣位。

2018戊戌年,生肖屬狗,「南方」及「西北」為人緣位,只要擺放風水瑞獸「麒麟」,就可以增強人緣運。不過,如果公司做既生意,屬於偏 門,例如澳門開博彩業,則不應擺放「麒麟」,因為對於做呢類偏門行業既人黎講,家宅或者公司擺放「麒麟」,隨時會破大財 ,寧可揀個財位,放多兩只辟邪(俗稱皮休),咁就仲實際。

風水玄學權威白鶴鳴弟子 方中圓
        本文刊載日期2018年1月26日

 

白鶴鳴
 

白鶴鳴風水命理著作
第95部
《教你幫人改好名》

港幣$60

風水•改名姓名學

由白鶴鳴老師幫你改好名——收費$1,388起

俗語常說:「唔怕生壞命,最怕改壞名」。
如果你自覺命途多阻、運氣不濟,希望改進日後的運程……
如果你剛為人父母,望日後子女成為人中龍鳳、運程亨通;
你都可以藉著改名來增強自己的運氣,
可致電我們預約白鶴鳴先生
查詢電話﹕(852)2388 6878

訂購風水用品專頁

風水八字改名--預約.TEL:9838 3838

歡迎轉載內容,敬請尊重版權,
請列明出處及連結「www.hokming.com」,謝謝!